Raffaele Afeltra, 69 vjeç, një prej drejtuesve të vjetër të Kamorrës, u vra me armë zjarri mbrëmjen e djeshme në Pimonte, një bashki në provincën e Napolit.
Afeltra ishte një emër shumë i njohur për forcat e rendit dhe ishte liruar së fundmi nga burgu pasi kishte vuajtur një dënim prej më shumë se njëzet vjetësh.
Oficerët e karabinierisë mbërritën në vendin e vrasjes, duke punuar për të rindërtuar ngjarjet dhe për të kërkuar prova që mund të ndihmojnë në identifikimin e vrasësve.
Viktima ndodhej në makinën e tij, ndërsa autorët u afruan drejt mjetit duke shtënë disa herë me pushkë gjahu.
Hetuesit po hetojnë gjithashtu të kaluarën e viktimës dhe lidhjet e tij të mundshme me qarqet kriminale lokale.
Vrasja sjell vëmendje të re ndaj situatës në Malet Lattari, një zonë e prekur prej kohësh nga prania e bandave kriminale dhe konfliktet për kontrollin e aktiviteteve të paligjshme. (A2 Televizion)
A2 CNN Livestream
MUND TE LEXONI GJITHASHTU
