Presidenti i Ukrainës, Volodymyr Zelenskyy po jep sinjale se është gati të ulet në tryezën e bisedimeve me Vladimir Putin. Lajmi është bërë i ditur nga Bloomberg, e cila citon burime nga diplomatët e NATO-s.
Aleatët e Ukrainës besojnë se Volodymyr Zelenskiy është duke u përgatitur për të adoptuar një qasje më fleksibël ndërsa ata shikojnë mënyrat për të ndihmuar në përfundimin e luftës së Rusisë, theksojnë disa zyrtarë pranë NATO-s, citon Bloomberg.
Me Ukrainën e goditur nga lufta që po i afrohet dimrit të tretë dhe mbështetja perëndimore që tregon shenja dobësimi, zyrtarët ukrainas kanë sinjalizuar se janë të përgatitur të pranojnë se duhet të hyjnë në bisedime.
Zyrtarët amerikanë i kanë kërkuar Kievit të formulojë një udhërrëfyes të asaj që i nevojitet gjatë vitit të ardhshëm, duke përfshirë pajisjen ushtarake, ndihmën për zhvillimin industrial dhe mbështetjen financiare.
Zelenskyy tha se do të zbulojë detajet e plota të planit pasi të kenë përfunduar konsultimet me aleatët. Por një problem thelbësor mbetet ambicia për anëtarësim në NATO. Kjo do të përbente vijën e kuqe për Rusinë.
“Perëndimi harron se një nga arsyet kryesore të shpërthimit të konfliktit ishte pikërisht dëshira e tij obsesive për të tërhequr Ukrainën në aleancë, për ta kthyer atë në një trampolinë për përballjen me Rusinë. Në këtë rresht ka edhe një shkelje masive e të drejtave të popullatës rusishtfolëse të Ukrainës, kultivimi i nacionalizmit agresiv, i cili po kthehet dhe është kthyer në neo-nazizëm. Pa eliminuar këto shkaqe rrënjësore të krizës, është thjesht e pamundur të arrihet a zgjidhja e drejtë”, tha Zakarova.
Ndërkohë ministria ruse e Mbrojtjes tha se kishte rimarrë dy fshatra në rajonin e Kurskut që u pushtuan nga Ukraina në një ofensivë të befasishme.
Ministria tha se trupat ruse "vazhduan operacionet sulmuese, gjatë të cilave ata çliruan vendbanimet e Novaya Sorochina dhe Pokrovsky ". Novaya Sorochina ndodhet afër kufirit me Ukrainën, ndërsa Pokrovsky është më thellë në territorin rus. Sipas Moskës, trupat zmbrapsën sulmet e Ukrainës në dy fshatra pranë Pokrovsky. (A2 Televizion)
A2 CNN Livestream
MUND TE LEXONI GJITHASHTU
