AfD-ja kryeson në zgjedhjet rajonale në Mecklenburg-Pomeraninë Perëndimore, ndërsa CDU-ja e kancelarit Friedrich Merz po përballet me një rezultat të dobët, sipas projeksioneve të para pas mbylljes së votimit.
Sipas të dhënave të para, AfD-ja ka marrë rreth 37% të votave, ndërsa Partia Socialdemokrate (SPD) renditet e dyta me rreth 35.5%.
Në krahun tjetër, CDU-ja e Friedrich Merz rezulton me vetëm 5.5% të votave, duke u afruar me pragun prej 5% për të siguruar përfaqësim në parlamentin e landit.
Rezultati shënon një goditje të rëndësishme për CDU-në dhe, nëse konfirmohet nga rezultatet përfundimtare, do të ishte një nga rezultatet më të dobëta të partisë në një zgjedhje rajonale.
AfD-ja, ndërkohë, vijon të konsolidojë rezultate të forta në landet lindore të Gjermanisë. Vetëm dy javë më parë, partia shënoi një tjetër rezultat të lartë në Saksoni-Anhalt.
Zgjedhjet e së dielës zhvillohen njëkohësisht edhe në Berlin, ku sipas projeksioneve të para kryeson Die Linke me rreth 26% të votave, e ndjekur nga CDU-ja dhe të Gjelbrit. (A2 Televizion)
A2 CNN Livestream
MUND TE LEXONI GJITHASHTU
