Zgjidhet kryeministrja e parë femër e Japonisë

Sanae Takaichi është zgjedhur kryeministrja e re e Japonisë, duke u bërë gruaja e parë që mban këtë post pas emërimit të saj në fillim të këtij muaji si udhëheqëse e Partisë Liberale Demokratike.

Zgjedhjet u zhvilluan në raundin e parë të votimit, falë kontrollit parlamentar të siguruar nga partia ose aleanca e saj me Nippon Ishin, duke mbizotëruar mbi kandidatin e opozitës me 237 vota, kundrejt 149 për ish-kryeministrin Yoshihiko Noda, nga një total prej 465 vendesh në dhomën e ulët të parlamentit.

Parlamenti i Japonisë e zgjodhi të martën ultrakonservatoren Sanae Takaichi si kryeministren e parë femër të vendit, një ditë pasi partia e saj në vështirësi arriti një marrëveshje koalicioni me një partner të ri që do ta tërhiqte bllokun e saj qeverisës më shumë djathtas.

Takaichi do të zëvendësojë Kryeministrin Shigeru Ishiba, duke i dhënë fund një vakumi politik tremujor dhe grindjeve që nga humbja katastrofike e zgjedhjeve të Partisë Liberale Demokratike në korrik.

Ishiba, i cili qëndroi vetëm një vit në detyrë, dha dorëheqjen së bashku me kabinetin e tij më herët të martën, duke i hapur rrugën pasardhësit të tij.

Konservatorja nuk njihej për ndonjë përfaqësim në politikë deri në vitet 1980, kur tensionet tregtare midis SHBA-së dhe Japonisë ishin në kulmin e tyre.

Në vitin 1996, ajo u zgjodh në një vend parlamentar me LDP-në. Ajo u bë e njohur si një nga zërat më të zëshëm konservatorë të partisë dhe që atëherë është zgjedhur dhjetë herë deputete me vetëm një humbje.

Edhe pse ajo bëhet gruaja e parë që shërben si kryeministre e Japonisë, ajo nuk ka asnjë nxitim për të promovuar barazinë gjinore apo diversitetin.

64-vjeçarjas Takaichi është ndër politikanët japonezë që kanë penguar masat për avancimin e grave. Takaichi mbështet trashëgiminë vetëm meshkuj të familjes perandorake dhe kundërshton martesën e personave të të njëjtit seks dhe lejimin e mbiemrave të veçantë për çiftet e martuara. (A2 Televizion)