Ish-presidenti Hashim Thaçi ka kaluar natën në hapësirat e EULEX-it në Fushë Kosovë, një ditë pasi erdhi në vizitë te varri i babait të tij, Haxhi Thaçi, i cili vdiq më 16 mars.
Haga lejoi Thaçin që të qëndrojë dy ditë në Kosovë dhe pas vizitës së djeshme në Burojë, ai u dërgua EULEX. Mëngjesin e sotëm, janë parë vëllezërit e Thaçit duke hyrë në EULEX për vizitë te ai.
Tri ditë pas ceremonisë së varrimit të babait, Hashim Thaçit i është lejuar ardhja në Kosovë.
Ai të premten paradite ka arritur në Prishtinë e nga aty ka shkuar drejt Burojës për të vizituar varrin e babait që vdiq të dielën që shkoi në QKUK pas një sëmundje të gjatë.
Kjo është vizita e dytë në Kosovë e Hashim Thaçit brenda një intervali të shkurtër kohor.
Ish-Presidenti i vendit ka ardhur në Prishtinë më 13 mars ku për disa orë ka qëndruar në QKUK për të vizituar babanë që po trajtohej aty, që më vonë u kuptua se ishte në ditët e fundit të jetës.
Trupi gjykues dhe gjyqtari i procedurës paraprake kanë udhëzuar Sekretarin që të menaxhojë një vizitë të mbikëqyrur në Kosovë për Hashim Thaçin që t’i bëjë nderimet dhe të jetë me familjen e ngushtë. I akuzuari mbetet në paraburgim dhe në kujdestari nga Dhomat e Specializuara”, ka konfirmuar zëdhënësi i Gjykatë Speciale, Michale Doyle. (A2 Televizion)
A2 CNN Livestream
MUND TE LEXONI GJITHASHTU
