Komandanti i KFOR-it, gjenerali italian Enrico Barduani, ka prekur situatën aktuale të sigurisë në Kosovë ku ka theksuar se situata e sigurisë në Kosovë është ende e qetë, por e brishtë. Ai ka shtuar se kjo situatë e brishtë vjen për shkak të çështjeve të pazgjidhura në dialog mes Kosovës dhe Serbisë. Në një intervistë për median serbe Kosovo-Online, Barduani ka bërë të ditur se KFOR mbetet përherë vigjilent për situatën në tërë Republikën e Kosovës.
“Situata e sigurisë në Kosovë mbetet e qetë, por e brishtë për shkak të disa faktorëve kufizues, duke përfshirë çështjet e pazgjidhura në procesin e normalizimit të marrëdhënieve ndërmjet Beogradit dhe Prishtinës dhe përhapjen e qëllimshme të dezinformatave. KFOR-i mbetet vigjilent dhe mban një prani të dukshme dhe fleksibël në të gjithë Kosovën”, u shpreh Enrico Barduani.
Në intervistën e tij, Barduani tha se, KFOR nuk dërgoi ushtrinë në veri gjatë shpërthimit në kanalin e Ibër-Lepencit, pasi sipas tij, kjo situatë u menaxhua mjaft mirë nga policia e Kosoës.
“Në përputhje me marrëveshjen NATO-Kosovë të vitit 2013, çdo mision i mundshëm i Forcave të Sigurisë së Kosovës në veri të Kosovës kërkon miratimin paraprak të komandantit të KFOR-it. Në bazë të vlerësimit të sigurisë dhe veprimeve të vazhdueshme të KFOR-it, nuk kam dhënë autorizim të tillë sepse situata është menaxhuar efektivisht nga Policia e Kosovës, me mbështetjen e EULEX-it dhe KFOR-it”, u shpreh Enrico Barduani, raporton A2 CNN.
Në lidhje me hapjen e Urës mbi lumin Ibër, Komandanti i KFOR tha se për momentin një iniciativë e tillë është e panevojshme.
“Sa i përket urës në lumin Ibër, qëndrimi i NATO-s dhe KFOR-it ishte i qartë, transparent dhe konsistent. Për shkak të çështjeve të pazgjidhura politike, hapja e urës në këtë kohë do t'i vendoste ushtarët e KFOR-it dhe komunitetet lokale në një rrezik të papranueshëm dhe të panevojshëm të dhunës”, theksoi komandant i KFOR në Kosovë, shkruan A2 CNN.
Në të ardhmen, KFOR-i do të vazhdojë të ofrojë mbështetje shtesë sipas nevojës, duke mbajtur një koordinim të ngushtë me institucionet në Kosovë”, ka thënë Borduani për Kosova Online.
(A2 Televizion)
A2 CNN Livestream
MUND TE LEXONI GJITHASHTU
