Policia e Kosovës ka vijuar kontrollet në veri të vendit pas sulmit kriminal terrorist më 29 nëntor 2024 ndaj infrastrukturës kritike në kanalin “Ibër-Lepenc”. Gjatë kontrollit të djeshëm në një kotec pulash në një zonë të Zubin Potokut, u gjetën të fshehura nën kashtë dhe në disa fuçi të mbushura me drithëra, qese me armë, municion, antiplumb dhe pajisje të tjera ushtarake.
Policia sekuestroi një AK-47 të demontuar, 7 karikatorë AK-47 me nga 30 fishekë, 12 fishekë dhe të zbrazët, pjesë të ndryshme për armë me një kuti plastike, municion të kalibrave të ndryshëm, një helmetë ushtarake, 10 rripa për uniforma ushtarake, një kapelë ushtarake, dy çantë ushtarake, një shall kamuflazhi për snajper, një këllëf ushtarak për karikator të armës së gjatë, disa jelekë taktikë ushtarakë prodhim kinez, disa uniforma, xhaketa, këmisha, pantallona, rripa dhe kapela ushtarake me emblema e mbishkrime të llojeve të ndryshme, përfshirë ato ruse etj.
Policia e Kosovës fton qytetarët të vazhdojnë bashkëpunimin me institucionet e sigurisë dhe për çfarëdo informate që ndërlidhet me sigurinë të raportojnë në mënyrë anonime në numrat kontaktues 192, 080019999, 038 550 999 dhe e-mail adresën [email protected]. (A2 Televizion)
A2 CNN Livestream
MUND TE LEXONI GJITHASHTU
