Nënkryetarja e Lidhjes Demokratike të Kosovës, Hykmete Bajrami, ka bëre të ditur se ka kërkuar doreheqjen e parevokueshme të kryetarit të LDK-së, Lumir Abdixhiku, pas rezultatit të dobet zgjedhor.
Ajo ka njoftuar se, duke respektuar të njëjtin standard politik, ka ofruar edhe doreheqjen e saj të parevokueshme nga pozita e nënkryetares së partisë.
Bajrami ka theksuar se ky veprim nuk është personal apo emocional, por lidhet me parimin e përgjegjësiës politike që, sipas saj, LDK-ja e ka ndërtuar ndër vite.
Ajo ka vlerësuar se kushdo që merr rezultate të rënda zgjedhore për partinë, duhet të marrë përgjegjësi dhe t’i hapë rrugë zgjedhjeve të brendshme. Në reagimin e saj, Bajrami ka shtuar se pas rezultateve të 28 dhjetorit, lidershipi dhe organet e LDK-së kanë humbur legjitimitetin dhe se zgjedhjet e brendshme janë të domosdoshme.
Një ditë më parë, Abdixhiku deklaroi se do të ofronte dorëheqje para Kuvendit të partisë i cili do të vendosë edhe për fatin e tij. Ai tha se nëse Kuvendi refuzon dorëheqjen do të mbetej në krye të LDK, shkruan A2 CNN.
Lidhja Demokratike e Kosovës konsiderohet si humbësja më e madhe e këtyre zgjedhjeve. Nga shkurti në dhjetor 2025 humbi 45 mijë e 255 vota dhe pesë mandate në Kuvend. Partia e Abdixhikut nuk fitoi në asnjë komunë. (A2 Televizion)
A2 CNN Livestream
MUND TE LEXONI GJITHASHTU
