Bashkimi Evropian ka reaguar në lidhje me propozimin e qeverisë së Kosovës për përpilimin dhe dërgimin në Gjykatën Kushtetuese Draft-Statutin për Asociacionin e komunave serbe në Veri të Mitrovicës. Sipas Peter Stanos, zëdhënësit të Bashkimit Europian, Unioni e ka “të pamundur” ta vlerësojë tani për tani propozimin e Qeverisë së Kosovës. Kjo pasi sipas tij, BE nuk është në dijeni për përmbajtjen e tij.
Peter Stano, tha në një reagim për Radion Evropa e Lirë se një draft i tillë duhet të diskutohet edhe me Serbinë dhe me Unionin, i cili ndërmjetëson dialogun mes dy vendeve fqinje prej vitit 2011.
“Përmbajtja e një statuti, që Qeveria e Kosovës ka paralajmëruar ta përpilojë, është e panjohur dhe nuk është diskutuar as me Serbinë, e as me ndërmjetësuesin [e dialogut Prishtinë-Beograd] BE-në. Prandaj, është e pamundur që të vlerësohet përputhshmëria e tij me marrëveshjet e vitit 2013 dhe 2015 në këtë fazë”, tha Stano.
Theksojmë se Ministrja e Jashtme e Kosovës, Donika Gërvalla, njoftoi se kishte informuar Këshillin e Evropës se Kosova po përgatit një draft-statut dhe ta dërgojë atë në Gjykatën Kushtetuese për interpretim në fund të muajit. (A2 Televizion)
A2 CNN Livestream
MUND TE LEXONI GJITHASHTU
