Rama: Shqipëria po respektohet nga ndërkombëtarët më shumë se çdo herë tjetër

Kryeministri Edi Rama, gjatë fjalës së tij në nisjen e stërvitjes “Defender Europe 2023”, deklaroi se vendi ynë “nuk ka qenë kurrë më lart në nivelin e respektit ndërkombëtar”.

“Shqipëria ka nderin që të presë për herë të dytë stërvitjen më të madhe ushtarake në Evropë. Shqipëria nuk ka qenë kurrë më lart në nivelin e respektit ndërkombëtar dhe sot, e ulur në tryezën e Këshillit të Sigurimi, krah për krah me SHBA-në si bashkëpenmbajtëse për çështjen e Ukrainës, ajo merr një rol që jo vetëm e ngarkon me përgjegjësi të jashtëzakonshme, por edhe vë në dukje përparimin e pjekurinë që ka arritur vendi ynë”, tha Rama.

“Zhvillimi i kësaj stërvitjeje me praninë e trupave shumëkombëshe, është shprehje e unitetit të madh të të gjithë komunitetit euroatlantik për të mbrojtur vlerat dhe parimet mbi të cilat ngrihen shoqëritë tona”, shtoi kryeministri, i cili theksoi se me aeroportin e Kuçovës, që do të funksionojë si bazë operacionale e NATO-s“, jemi në kushtet ku mund të themi se po shkruhet një faqe e re e historisë sonë”. (A2 Televizion)