“Në fund fare, politika është matematikë. Do të vijë në këtë sallë të votohet, do të duhet vota juaj. Pa votën tuaj, ne nuk mund të ratifikojmë asnjë lloj marrëveshje. Ka shumë skuadra të mëdha, në shumë sporte, ku zëvendësuesit kanë bërë historinë”.
Kjo këshillë e Pandeli Majkos duket se po zbatohet aktualisht nga opozita parlamentare, e cila mazhorancës i kujton pikërisht matematikën e votave, teksa po tenton të imponohet për ndryshimin e kodit elektoral.
Prej vitesh në politikë, Pandeli Majko e di se ajo nuk luhet vetëm për interesa të momentit, ndaj ka një këshillë të dytë për deputetët e opozitës: “Të kemi dialog në Parlament dhe jashtë Parlamentit. Pa dialog, kjo punë nuk zgjidhet. Mendoj që nuk duhet të vetëpërjashtohen. E vetmja mundësi është që në Komisionin e Reformës Zgjedhore të flasin fort dhe të ulemi të dialogojmë për situatën. Duhet parë në vazhdim, politika nuk mbaron sot dhe nesër”.
Ndryshe nga ministri i Diasporës, Gramoz Ruçi nuk preferon të flasë për opozitën teksa pyetet nga A2 nëse do të tentojë të negociojë me ta, pasi i priti të mërkurën në zyrë: “Edhe sot në 100-vjetorin e Luftës së Vlorës?”
Ndërsa kryetarët e tri grupeve parlamentare të opozitës flasin për votë kundër e bojkot komisionesh, disa prej deputetëve të pakicës e kanë pohuar qëndrimin pro marrëveshjes mbi kodin zgjedhor. (A2 Televizion)
A2 CNN Livestream
MUND TE LEXONI GJITHASHTU
