Deputeti i Bindjes Demokratike, Andi Përmeti, i ftuar në Ditari në A2 deklaroi se opozita parlamentare është për ndryshimin e sistemit zgjedhor, por ajo jashtëparlamentare vendosi që të qëndrojë në krah të kryeministrit Edi Rama.
“Kreu i opozitës, me një sjellje për Oscar, tha se është dakord me Edi Ramën, që nuk është faji i sistemit. Ai tha që ata që godasin Edi Ramën, janë në fakt me Edi Ramën. Duhet të kesh shumë guxim ta thuash këtë gjë para publikut”, tha Përmeti.
“Opozita ka zgjedhur të qëndrojë në krah të Ramës duke mos ndryshuar sistemin dhe ky sistem do t’i garantojë Bashës karrigen e kreut të opozitës përgjithmonë, por kurrë pushtetin”, shtoi Përmeti.
Sipas tij, “njerëzit e shohin të nevojshëm ndryshimin e sistemit, vetëm 3 veta nuk e duan”. (A2 Televizion)
A2 CNN Livestream
MUND TE LEXONI GJITHASHTU
