Rrëmbimi i policëve të Kosovës nga forcat serbe, Sveçla: Nuk e dimë ku ndodhen

I pyetur nga gazetarët, ministri i Brendshëm i Kosovës, Xhelal Sveçla, thotë se nuk e dinë se ku ndodhen tre policët e rrëmbyer nga forcat serbe.

“Nuk e dimë se ku mbahen policët tanë, Serbia është një vend jodemokratik dhe nuk brengoset për liritë e të drejtat e të burgosurve. Nuk brengoset as për deeskalimin e situatës aktuale. Këto informata po ndahen me partnerët tanë, edhe kur ishim aty kishte pjesëtarë të KFOR-it që hetonin rastin. Mund të them sa i takon terrenit, të dhënat përputhen, por presim deklarim zyrtar të tyre. Gjurmët tregojnë se ky ka qenë një aksion i këtyre dy njësive speciale me numër shumë më të madh se pjesëtarët e policisë tonë kanë qenë”. (A2 Televizion)

Ministri i Brendshëm i Kosovës, Xhelal Sveçla