Ndërsa Australia është e përfshirë nga zjarre të mëdha prej muajsh, Indonezia lufton me përmbytjet. Të paktën 53 vetë kanë humbur jetën si pasojë e rrëshqitjeve të dheut dhe vërshimeve në rajonin e Xhakartës.
Ekipet e shpëtimit po vazhdojnë kërkimet për persona të tjerë, që dyshohet se janë të bllokuar nën baltë.
Reshjet e dendura dhe rritja e nivelit të lumenjve ka zhytur në ujë dhjetëra lagje në rajon, duke shkaktuar rrëshqitje masive të dheut.
Moti i keq që po vazhdon, ndërprerja e energjisë elektrike, por edhe terreni i vështirë, po pengojnë përpjekjet e ekipeve të shpëtimit. Rreth 400 mijë persona raportohet se janë strehuar në qendra të përkohshme, si pasojë e motit të keq.
Këto janë përmbytjet më të rënda në zonë që prej vitit 2007 kur 80 persona humbën jetën brenda 10 ditëve. (A2 Televizion)
A2 CNN Livestream
MUND TE LEXONI GJITHASHTU
