Kompania Amazon deklaron se rreth 19 mijë punonjës të linjës së parë në Shtetet e Bashkuara kanë rezultuar të infektuar me koronavirus që prej muajit mars.
Numri është i barabartë me 1,44% të 1,37 milionë punëtorëve të Amazon dhe filialit të saj “Whole Food”.
Amazon prej kohësh është bërë objekt kritikash nga punonjësit e saj, sindikatat apo zyrtarët e zgjedhur, të cilët e akuzojnë kompaninë se ka vënë në rrezik shëndetin e punonjësve të saj. Por gjiganti i shitjeve online shprehet se niveli i infektimeve mes punonjësve është shumë herë më i ulët nga sa pritej.
Amazon i ka mbajtur të hapura magazinat e saj përgjatë pandemisë për të përballuar fluksin në rritje të konsumatorëve, të izoluar në banesat e tyre. Për këtë arsye dhe fitimet e kompanisë ka prekur nivele rekord në muajt e fundit. (A2 Televizion)
A2 CNN Livestream
MUND TE LEXONI GJITHASHTU
