Nuk mund të quhet ende një valë e dytë, por bilanci i pandemisë në Europë po kap sërish shifra shqetësuese.
Ndërkohë situata në Itali duket ende nën kontroll, në Spanjë dhe Francë statistikat e COVID-19 po i rikthehen niveleve të pranverës.
Në Francë regjistrohen 1392 raste, bilanci më i rëndë prej një muaji, ndërkohë që viktimat janë 15.
Situata nuk paraqitet më e mirë në Spanjë, ku sot u testuan pozitivë 1153 raste, bilanci më i rëndë nga 2 maji i kaluar. Zonat më të goditura mbetet kryeqyteti Madrid dhe krahina autonome e Katalonjës. Rastet nuk kanë shmangur as futbollistët, ku sot tre futbollistë të La Liga janë konfirmuar pozitivë.
Shqetësime paraqet edhe Gjermania, me 684 raste dhe 6 viktima, me një situatë më kritike në Bavari.
Në Europën Lindore, vatra më e nxehtë mbetet sërish Rumania, ku janë deklaruar gjatë 24 orëve të fundit 1182 raste të reja me koronavirus, si dhe 30 viktima. (A2 Televizion)
A2 CNN Livestream
MUND TE LEXONI GJITHASHTU
