Amerikanët kanë blerë rreth 150 milionë pistoleta në dhjetë vitet e fundit, që nga masakra në shkollën fillore Sandy Hook.
Kjo u zbulua nga studimi i Harvardit dhe Universitetit Northeastern të raportuar nga mediat amerikane, sipas të cilit arsyeja kryesore për blerjen e një arme ishte në mënyrë paradoksale, rritja e krimit masiv.
Për më tepër, në një vend ku shkaku kryesor i vdekjes është vetëvrasja me armë zjarri, një përhapje kaq e gjerë e pistoletave dhe armëve do të çojë në një rritje të vdekjeve.
Njerëzit që zgjedhin të zotërojnë armë në Shtetet e Bashkuara janë ende një pakicë e popullsisë, rreth një e treta e amerikanëve, ndërsa më pak se gjysma thonë se jetojnë në një shtëpi ku ka një armë.
Por numri i përgjithshëm megjithatë është rritur. Sipas sondazhit, ai ka shkuar nga 55 milionë në 2015 në 75 milionë sot. Numri i amerikanëve që zgjedhin të mbajnë armë në publik është rritur gjithashtu me 16 milionë njerëz që thonë se e bëjnë këtë të paktën një herë në muaj dhe 6 milionë thonë se e bëjnë atë çdo ditë.
Një shifër e dyfishtë krahasuar me vitin 2015. Për sa i përket arsyeve, sipas sondazheve të fundit, përqindja e atyre që kanë vendosur të blejnë një armë për “vetëmbrojtje” dhe “të mbrohen nga krimi dhe dhuna” është në rritje.
Megjithatë, sipas një studimi të Gallup, perceptimi që kanë amerikanët për këto fenomene shpesh nuk korrespondon me realitetin. Në tridhjetë vitet e fundit, një shumicë e madhe e popullsisë amerikane ka deklaruar se ata besojnë se krimi është rritur në krahasim më një vit më parë. (A2 Televizion)
A2 CNN Livestream
MUND TE LEXONI GJITHASHTU
