Juventusi mposhti 1-0 Milanin, duke rimarrë kryesimin e Serisë A, por zëvendësimi i Cristiano Ronaldos në minutën e 55 të ndeshjes duket se la në plan të dytë rezultatin.
Portugezi doli nga fusha i inatosur dhe nuk u ul në stol, por shkoi direkt në dhomat e zhveshjes dhe la stadiumin përpara se të përfundonte takimi.
Trajneri Sarri u shpreh kështu pas sfidës ndaj kuqezinjve: “Falenderoj Cristianon pasi luajti, edhe pse nuk ishte në formë të mirë. Nëse inatoset është normale, bëri gjithçka për të qenë gati për këtë ndeshje”.
“Ka pasur një problem në gju dhe që nga ajo kohë ka dhimbje, nuk mund të stërvitet shumë”, shtoi Sarri, i cili nuk mendon se ka nevojë për një qortim për CR7, pasi, sipas tij, nuk mund të qortohet dikush që dëshiron të japë maksimumin.
“Duhen toleruar ato 5 minuta zemërimi, mendoj se janë normale. Madje, trajnerit i bëhet qejfi, do të isha i shqetësuar nëse ndodh e kundërta”, deklaroi trajneri i Juventusit. (A2 Televizion)
A2 CNN Livestream
MUND TE LEXONI GJITHASHTU
