Shërbimet doganore në Muriqan në bashkëpunim me ato të Malit të Zi, kanë goditur një rast të mosdeklarimit të të hollave në kufi, si dhe kanë proceduar penalisht një 53-vjeçar.
Policia njofton se gjatë kontrollit të ushtruar në automjetin që drejtonte ky shtetas, u gjetën dhe u sekuestruan 202 060 euro, të cilat 53-vjeçari nga Shkodra nuk i kishte deklaruar.
Gjithashtu, kjo shumë parash dyshohet se është përfituar nga veprimtari kriminale.
Specialistët e Seksionit për Hetimin e Krimit Ekonomik e Financiar në DVP Shkodër, në bashkëpunim me Prokurorinë e Rrethit Gjyqësor Shkodër, vijojnë punën për zbardhjen dhe dokumentimin e plotë ligjor të këtij rasti.
Materialet iu referuan Prokurorisë së Rrethit Gjyqësor Shkodër, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
