Policia ka finalizuar operacionin e koduar “Milano”, duke sekuestruar pasuri që arrijnë vlerën 2 milionë euro, të cilat dyshohet se rrjedhin nga veprimtari kriminale.
Mësohet se pasuritë janë në ngarkim të shtetasit me iniciale K. M., 55 vjeç, banues në Tiranë, i dënuar nga autoritetet gjyqësore italiane për prodhim dhe shitje të lëndëve narkotike.
Sipas policisë, më datë 15.03.2021, 55-vjeçari është ekstraduar drejt Italisë, pasi është arrestuar gjatë një operacioni nga Policia e Tiranës, si person i shpallur në kërkim ndërkombëtar për veprat penale “Vjedhja në rrethana rënduese” dhe “Trafik droge”.
Pronat e sekuestruara
Një ndërtesë katërkatëshe, një sipërfaqe trualli, dy sipërfaqe toke (ara), një subjekt me veprimtari në fushën e prodhimit të ujit të pijshëm dhe një subjekt bar-kafe. (A2 Televizion)
A2 CNN Livestream
MUND TE LEXONI GJITHASHTU
