SHBA dhe BE urojnë hetuesit e BKH: Mbështesim këta individë që ndihmojnë për të çuar përpara reformën në drejtësi

Ambasada amerikane në Shqipëri dhe përfaqësia e Bashkimit Europian kanë uruar 28 kandidatët e Byrosë Kombëtare të Hetimit, të cilët do të emërohen javën e ardhshme zyrtarisht në detyrën e re.

“Këta individë janë testuar dhe janë duke u trajnuar. Shtetet e Bashkuara janë krenare që mbështesin këta individë, ndërsa ata ndërmarrin fazat e tjera të trajnimit të tyre dhe ndihmojnë për të çuar përpara reformën në drejtësi. Ne i urojmë fat të mirë të gjithë atyre që kohët e fundit kanë dorëzuar aplikimet e tyre për të qenë pjesë e grupit të dytë të hetuesve të BKH-së”, thuhet në reagimin e Ambasadës amerikane.

“Mund të mbështetemi tani te ky grup hetuesish të specializuar për të luftuar krimin e organizuar dhe korrupsionin. Reforma në drejtësi vazhdon”, shkroi ambasadori Luigi Soreca në Twitter. (A2 Televizion)