Koreja e Veriut nuk po i përgjigjet përpjekjeve për të negociuar lirimin e një ushtari amerikan që u largua përtej kufirit të saj. Lajmin e bën të ditur Uashingtoni.
Travis King kaloi të martën Zonën e Çmilitarizuar (DMZ) që ndan Korenë e Veriut dhe atë të Jugut.
Për rastin, Pentagoni kontaktoi me Korenë e Veriut, tha një zëdhënës i Departamentit të Shtetit, por si duket përgjigje nuk ka ende.
Nuk ka pasur asnjë fjalë nga Veriu për vendndodhjen e King ose fatin e tij. Incidenti vjen në një kohë veçanërisht të tensionuar me Veriun.
Marrëdhëniet me SHBA-në kanë rënë në vitet e fundit, teksa Koreja e Veriut teston dhjetëra raketa gjithnjë e më të fuqishme të afta për të mbajtur koka bërthamore.
Në udhëzimet për udhëtime, SHBA-ja u thotë qytetarëve të saj të mos udhëtojnë në Korenë e Veriut, një nga shtetet më të izoluara në botë, për shkak të rrezikut serioz të vazhdueshëm të arrestimit.
Është e paqartë nëse PV2 King ka dezertuar apo po shpreson të kthehet.
Ekspertët thonë se një ushtar i tillë i rangut të ulët do të kishte pak vlerë propagande dhe inteligjence, gjë që mund ta shtyjë Korenë e Veriut ta lirojë atë, por mbetet për t’u parë se çfarë do të ndodhë. (A2 Televizion)
A2 CNN Livestream
MUND TE LEXONI GJITHASHTU
