Ndonëse është në një moment jo shumë të mirë në përballjen me pandemisë, për shkak të rritjes së infektimeve, Britania e Madhe ka vendosur të vijojë me planet e saj për të lehtësuar masat kundër koronavirusit.
Kryeministri Boris Johnson, konfirmoi se nga e hëna do të hiqet detyrimi për mbajtjen e maskës në ambientet e jashtme dhe rregulli i distancimit fizik, për t’i dhënë një mundësi ekonomisë së vendit të rindezë motorët.
Kritikët kanë sulmuar ashpër kryeministrin për vendimin për të vijuar me planin e tij për lehtësimin e masave pasi treguesit nuk janë aspak optimistë. Gjatë 24 orëve të fundit mbi 54 mijë persona të tjerë rezultuan të infektuar me Sars-Cov-2, shifra këto që nuk ishin parë prej muajsh.
E hëna tashmë shihet si “Dita e lirisë” dhe pritet të hapen shumë aktivitete si lokalet e natës, teatrot, kinematë, madje do të lejohen dhe eventet publike apo martesat. Gjithashtu, edhe britanikët që kthehen nga jashtë nuk do të jenë të detyruar që të futen në karantinë. (A2 Televizion)
A2 CNN Livestream
MUND TE LEXONI GJITHASHTU
