Uluru-Kata, i njohur edhe si Ayers Rock, dhe ishulli Kangur, janë dy atraksionet turistike në Australi, të cilat janë pjesë e një liste të fundit të New York Times si dy vende, të cilat duhet të vizitohen patjetër në vitin 2013.
Uluru-Kata është një nga vendet më magjepsëse në Australi, por edhe në të gjithë botën. Kompleksi shkëmbor me ngjyrën e tij karakteristike të kuqërremtë, që ndryshon sipas orës, është edhe një vend i shenjtë për popullsinë aborigjene që e adhuron prej 10 mijë vite më parë.
E ndodhur në një zonë shumë pak të populluar, më shumë se 330 kilometra nga qyteti më i afërt, Alice Springs, Uburu është edhe pjesë e trashëgimisë botërore të UNESCO-s.
Ndërkohë, ishulli “Kangur” ndodhet në bregun perëndimor të Australisë. Me një sipërfaqe prej rreth 4,500 kilometra katrorë, Kangaroo Island është i njohur për peizazhet e mrekullueshme, faunën e pasur dhe historinë unike.
Eksplorimi i ishullit është një përvojë unike për turistët. Me plazhe të çuditshme, ura natyrore, shkëmbinj të shkëlqyeshëm, dhe gjallesat e shumta, ku mbizotërojnë kangurët. Parku, gjithashtu ka disa prej peizazheve më të mrekullueshme në Australi, siç janë Cape Willoughby, Admirals Arch dhe Remarkable Rocks. (A2 Televizion)
A2 CNN Livestream
MUND TE LEXONI GJITHASHTU
