Shpërthim tritoli në një banesë në Lushnje

Një sasi lënde plasëse ka shpërthyer pranë një banese në Lushnje, gjatë mbrëmjes së sotme.

Policia sqaron se nga shpërthimi janë shkaktuar vetëm dëme materiale.

Shpërthimi në banesën e Altin Lamçes ndodh për të tretën herë, ndërkohë që ende nuk ka një pistë apo një autor për këtë ngjarje. Shpërthimi i parë ndodhi në datën 2 nëntor të vitit të kaluar, ndërkohë që shpërthimi i dytë ndodhi pikërisht në natën e ndërrimit të viteve. Fatmirësisht, nga lënda plasëse në të treja rastet nuk ka patur njerëz të lënduar, por vetëm dëme materiale. Nuk dihet ende nëse ky shpërthim i përsëritur është një paralajmërim, tentativë vrasjeje apo motive të tjera që ende nuk dihen.

Njoftimi i policisë:

Rreth orës 21:45, në lagjen "18 Tetori", Lushnjë, pranë banesës së shtetases R. T., është hedhur një sasi e vogël lëndë plasëse. Si pasojë janë shkaktuar dëme të vogla materiale.

Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, identifikimin dhe kapjen e autorit/ve. (A2 Televizion)