Rreth 15 mijë udhëtarë priten të hyjnë vetëm gjatë kësaj fundjave nëpërmjet Portit të Durrësit. Tragetet janë duke kryer lundrime dyfishe për përballimin e fluksit nga Bari drejt Durrësit dhe anasjelltas. Janë 10 tragete që operojnë brenda ditës me lundrim vajtje-ardhje, ndërsa në dispozicion të udhëtarëve janë 28 sportele të policisë kufitare që kryejnë përpunimin e dokumentacionit
Fluksi i lartë i pasagjerëve drejt Shqipërisë ka bërë që Autoriteti Portual i Durrësit të shtojë linjat e operimit të trageteve dhe njëkohësisht edhe sportelet për përpunimin e të dhënave të pasagjerëve.
Në mëngjes, Kryeministri Edi Rama ndau të shtunën në rrjetet sociale pamje nga Porti i Durrësit mëngjesin e sotëm. “Numri i pasagjerëve të mbërritur nga Italia vetëm në mëngjes ishte 4 150 dhe 1 350 autovetura”, tha Rama.
Shqipëria në 6 muajt e parë të këtij viti u vizitua nga 4.5 milionë turistë të huaj. Shifra shënon një rritje me 34% krahasuar me vitin e kaluar. (A2 Televizion)
A2 CNN Livestream
MUND TE LEXONI GJITHASHTU
