Kreu i Partisë Demokratike, Sali Berisha, ka sulmuar ashpër SPAK-un pas paraqitjes në këtë institucion, duke e akuzuar se po mbron mazhorancën dhe po cenon votën e lirë dhe pluralizmin politik në Shqipëri.
Sipas tij 54 dosje të depozituara për zgjedhjet e fundit “janë konservuar dhe i janë dhënë Partisë së Krimit”.
Ai ngriti akuza edhe për aktivitetet e zhvilluara jashtë afateve ligjore, përdorimin e patronazhistëve, faljen e gjobave dhe kamatëvonesave, si dhe përfshirjen e grupeve kriminale në fushatën zgjedhore.
Pjesë nga deklarata e Berishës
Të dashur qytetarë dhe qytetare që ndiqni këtë konferencë shtypi pasi doli nga Skapi i partisë.
Gjatë qëndrimit aty, i paraqitur në përputhje me ligjin, lashë shënimin: Altin Gjokës Troplinit Hajrit Dumanit, armikut të egër të pluralizmit politik dhe votës së lirë të shqiptarëve, drejtësia vonon, por nuk harron.
Sot është më aktual se asnjëherë tjetër roli armiqësor i kësaj organizate të Partisë Socialiste ndaj votës së lirë të shqiptarëve dhe pluralizmit politik në Shqipëri.
Kjo organizatë u bë mburojë e krimeve më të shëmtuara elektorale, më të padëgjuara ndonjëherë.
Për këtë organizatë të Partisë Socialiste, ligji i vendit dhe ligji ndërkombëtar për zgjedhjet nuk ekziston.
Për këtë organizatë të Partisë së Krimit, 54 dosje të dorëzuara vetëm për zgjedhjet e fundit janë konservuar turshi dhe i janë dhënë Partisë së Krimit.
Për këtë organizatë, organizimi nga narkoqeveria i 4530 aktiviteteve jashtë afateve ligjore për të ndikuar tek qytetarët në votën e tyre, nuk përbëjnë shkelje ligjore.
Për këtë organizatë të Partisë Socialiste, patronazhistët, këta terroristë politikë që mbledhin letërnjoftimet, që firmosin leje ndërtimi, firmosin certifikata pronësie, që bëjnë kërcënime monstruoze në shkëmbim të votës, nuk kryejnë krime por zbatojnë porositë e Padrinos.
Për këtë organizatë të Partisë Socialiste, falja e 2.1 miliardë euro gjoba dhe kamata 2 ditë para votimit nuk janë krim, por janë dhuratë e Partisë së Krimit, partisë së tyre për qytetarët.
Për këtë organizatë të PS, firmosja e 138 licencave për mbjelljen e 29 mijë hektarë kanabis ndërkohë që ligji lejon vetëm 200, kanabis për votë, nuk janë krime sepse akte të Padrinos së tyre.
Për këtë organizatë, mobilizimi i karteleve të drogës, Çelajve, Troplinëve, Hakmarrjes për Drejtësi, etj, në fushatë elektoralë, për deputetët e Kodrës së Kuajve etj, nuk janë krime, por janë ndihmë për partinë e tyre.
Për këtë organizatë, konstatimet e vëzhguesve ndërkombëtare se në Shqipëri krimi i organizuar nuk lejon rotacionin politik, dhe renditja e qarqeve ku krimi i organizuar ndikoi rezultatet, nuk përbën krim, por ndihmë për Partinë e Krimit.
Për këtë organizatë, armike të pluralizmit politik, asnjë parim, asnjë ligj, nuk vlen para fitores dhe rrëmbimit të mandatit nga Padrino i tyre.
(A2 Televizion)
A2 CNN Livestream
MUND TE LEXONI GJITHASHTU
