Hidrovori i qytetit të Vlorës është jashtë funksionit prej disa ditësh. Tre nga katër pompat janë jashtë përdorimit, ndërsa vetëm një funksionon.
Në ndihmë kanë mbërritur forcat e ushtrisë dhe emergjencat civile, të cilat kanë sjellë edhe dy pompa shtesë që janë vënë në funksion.
Mësohet se emergjencat civile do të sjellin edhe dy pompa të tjera për të shmangur probleme të mundshme nga reshjet e pritshme në qytet.
Niveli i ujit në hidrovor është rritur për shkak të daljesh jashtë funksionit të pompave dhe mos përballimit nga pompat e ushtrisë për shkak të kapacitetit më të vogël të fuqisë së tyre.
Megjithatë, situata mbetet problematike për shkak të mosfunksionimit të tre pompave, ndërsa një e vetme nuk mund të përballojë prurjet e mëdha të ujit, duke rrezikuar përmbytje.
Forcat e ushtrisë dhe emergjencave civile do të vijojnë të qëndrojnë në Vlorë, ndërsa pompat e sjella prej tyre do të mbeten në funksion për të menaxhuar krizën që po përjeton hidrovori. (A2 Televizion)
A2 CNN Livestream
MUND TE LEXONI GJITHASHTU
