Si asnjëherë më parë autizmi nuk ka qenë kaq pranë familjeve sa tani. Studimet më të fundit nga Shtetet e Bashkuara të Amerikës kanë trondituar mbarë botën. 1 në 31 fëmijë rezulton i prekur nga autizmi, raport që prej vitesh qëndronte në nivelin 1 në 36 fëmijë.
Shpeshtësisë së rasteve me këtë çrregullim nuk i ka shpëtuar as vendi ynë. Në muajin e ndërgjegjësimit të autizimit, mjekë dhe profesionistë kanë kërkuar angazhimin e specialistëve për diagnostikimin e hershëm të këtij çrregullimi.
Në konferencën ndërkombëtare për autizmin organizuar nga “Fondacioni fëmijët shqiptarë”, mjekja Liri Berisha theksoi nevojën e politikave dhe programeve për trajtimin e fëmijëve me autizëm. Presidentja e fondacionit tha se në vendin tonë ende mungojnë qendrat e terapive për të rriturit me autizëm.
Liri Berisha kishte një qëndrim edhe ndaj Edi Ramës. Pa e përmendur me emër, zonja Berisha tha se ishte i paimagjinueshëm termi i përdorur ndaj personave të prekur nga ky çrregullim.
Sipas profesorëve të huaj faktorët mjedisore, ushqimi, stresi dhe stili i ri i jetës duket se po ndikojnë në rritjen e rasteve me autizëm. Ata ju bëjnë thirrje prindërve të rinj dhe mjekëve pediatër për identifikimin e hershëm të çrregullimeve.
Në Shqipëri nuk ka shifra të sakta për këtë çrregullim, por sipas shifrave të ministrisë së Shëndetësisë 26% e personave më aftësi ndryshe janë me autizëm. Shkencëtaret janë të mendimit se fëmijët lindin me autizëm, çrregullim që identifilkohet në fëmijërinë e hershme. (A2 Televizion)
A2 CNN Livestream
MUND TE LEXONI GJITHASHTU
