I ftuar në “Debat” nga Alba Alishani, ish-ministri i Jashtëm, Aldo Bumçi ka folur në lidhje me nënshkrimin e protokollit të bashkëpunimit ndërmjet Shqipërisë dhe Italisë në strehimin e emigrantëve të paligjshëm në Shëngjin.
Sipas Bumçit, kjo është një marrëveshje unike, shumë e veçantë, e pazbatuar në asnjë vend tjetër dhe si e tillë duhet të kishte një diskutim të gjerë për të bërë transparencë dhe për të arritur në një konsensus.
Ai deklaroi më tej se, kjo sjell pasoja për vendin, për shoqërinë shqiptare, për sigurinë, për ndikimin që do të ketë në komunitetin ku do të vendosen.
Çfarë ju tha në impaktin e parë nënshkrimi i kësaj marrëveshjeje?
Kjo është një marrëveshje unike, shumë e veçantë, e pazbatuar në asnjë vend tjetër dhe si e tillë duhet të kishte një diskutim të gjerë për të bërë transparencë dhe për të arritur në një konsensus. Cilat janë pasojat për Shqipërinë nga nënshkrimi i kësaj marrëveshjeje? Kemi të bëjmë me një popullsi që është sa popullsia e Bashkisë së Lezhës. Si mund të kalojë pa asnjë diskutim një marrëveshje e tillë, e cila bëhet për herë të parë në Bashkimin Evropian? Kjo sjell pasoja për vendin, për shoqërinë shqiptare, për sigurinë, për ndikimin që do të ketë në komunitetin ku do të vendosen. Mënyra se si sillet kryeministri sikur është një kontratë private e tij, ky nuk është një lajm i mirë. Ky nuk është çifligu i zotit Rama, kjo është Republika e Shqipërisë. (A2 Televizion)
A2 CNN Livestream
MUND TE LEXONI GJITHASHTU
