Të gjitha besimet “nën një çati”. Këtë synon të arrijë qeveria përmes projektit më të fundit për të ngritur “Parkun e Besimit”, në zonën e Petrelës në Tiranë, në afërsi të Kalasë, shkruan A2 CNN. Me në fokus “bashkëjetesën fetare”, parku thuhet në dokumente e konkursit të shpallur nga Korporata e Investimeve Shqiptare do të shërbejë si një vend që do të bashkojë besime të ndryshme.
Agjencia Kombëtare e Planifikimit të Territorit (AKPT), me mbështetjen e Korporatës Shqiptare të Investimeve (AIC) dhe Miral Group, është promotore e këtij konkursi, në bashkëpunim me Ministrinë e Turizmit dhe Mjedisit dhe Bashkinë e Tiranës.
Parku i Besimit do të jetë më shumë se një vend pelegrinazhi apo përkujtimi. Ai do të shërbejë si një hapësirë ku individë nga besime të ndryshme mund të takohen, të ndërveprojnë dhe të ndajnë vlerat e tyre. Përmes arkitekturës dhe planifikimit urban, synohet krijimi i një atmosfere mikpritëse dhe gjithëpërfshirëse, që nxit respektin dhe tolerancën.
Historikisht, Shqipëria ka qenë një urë lidhëse midis Lindjes dhe Perëndimit, ku katolicizmi, ortodoksia dhe islami kanë bashkëjetuar në harmoni. Ky park do të përforcojë këtë trashëgimi dhe do të shërbejë si një testament i virtyteve të bashkëjetesës, humanizmit dhe forcës së shpirtit shqiptar. Përmes këtij projekti, vendi ynë do të dërgojë një mesazh të fuqishëm për paqen dhe unitetin, jo vetëm brenda kufijve të tij, por edhe përtej tyre. (A2 Televizion)
A2 CNN Livestream
MUND TE LEXONI GJITHASHTU
