
Qyteti i Pogradecit cilësohet si një nga modelet sa i takon mënyrës se si është zhvilluar dhe ndërtuar nga ana e konceptimit urban dhe njëkohësisht një shembull që tregon se turisti rikthehet edhe pa bërë ndërtime te ekzagjeruara, por duke ruajtur një ekuilibër mes asaj që e identifikon këtë qytet dhe ofertës turistike.
Për këtë arsye, ky qytet dhe natyrisht pushteti lokal duhet ti rezistojë presionit të ndërtimeve dhe të mos heqë dorë nga bukuria që ka sot qyteti. Për këtë arsye, studentë të arkitekturës urbane kanë planifikuar të investigojnë territorin e Pogradecit dhe do të dalin me propozime dhe projekte konkrete për planifikimin e zhvillimit hapësinor që do t’ia vënë në dispozicion pushtetit lokal dhe komunitetit. (A2 Televizion)