Sanitaret e spitalit psikiatrik “Ali Mihali” të Vlorës kanë protestuar në lidhje me mospagesën e rrogës së dy muajve dhe mungesën e kontratave të punës.
Edhe pse ndodhen në një spital publik, shërbimi i sanitareve është marrë përsipër nga një firmë private e cila ka lidhur kontratë më spitalin. Një tjetër shqetësim në protestën e sanitareve është edhe paga qesharake përkundër punës që janë të detyruara të kryejnë.
Në lidhje me këtë problematikë, burime pranë firmës private që ka fituar të drejtën e shërbimit sanitar në këtë spital shprehen se vonesa e rrogave ka të bëjë me moskalimin e fondit nga spitali tek firma private, ndërsa për mungesën e kontratave nuk japin asnjë shpjegim.
Edhe drejtoria e spitalit Ali Mihali nuk ka pranuar të japë shpjegime për këtë situatë. Ndërsa inspektorati shtetëror i punës ka deklaruar se do të nisë verifikimet për këtë rast. (A2 Televizion)
A2 CNN Livestream
MUND TE LEXONI GJITHASHTU
