Radhë në pikën e kalimit kufitar të Qafë Thanës. Radha më së shumti paraqitet në tokën neutrale për t'u futur drejt Maqedonisë së Veriut.
E gjithë kjo gjen për shkak se një pjesë e udhëtarëve kanë qenë gjatë fundjavës në bregdet dhe kthehen në shtëpi, ndërsa radhët janë me 4 korsi, shkruan A2 CNN.
Ata të cilët kërkojnë të kalojnë nga Shqipëria drejt Maqedonisë së Veriut u duhet të presin për më tepër se një orë në radhë.
Vlen për t'u theksuar se nisma midis qeverisë shqiptare dhe asaj maqedonase për një ndalesë, e cila funksionon prej dy vitesh nuk ka dhënë asnjë rezultat për të lehtësuar lëvizjen në dy anët e kufirit, pasi kontrolli bëhet sërish nga dy palët kufitare në të njëjtin stacion.
Burime thonë se janë duke u bërë diskutime që në vazhdimësi të ndryshojë edhe njëherë mënyra e kontrollit dhe kontrolli të bëhet vetëm njëherë nga pala përkatëse në hyrje.
Ka mjete që presin prej më shumë se 40 minuta për të kaluar në RMV. (A2 Televizion)
A2 CNN Livestream
MUND TE LEXONI GJITHASHTU
