Shtyhet sërish seanca për Berishën, ish-kryeministri përfaqësohet nga avokatja e Belerit

Nga A2 CNN
19 Korrik 2024, 11:59 | Aktualitet

Shtyhet sërish seanca për Berishën, ish-kryeministri

Gjykata e Posaçme shtyu për më 30 korrik seancën e radhës për informacion 2 mujor të hetimit të SPAK për Sali Berishën.

Në këtë seancë ish-kryeministri u përfaqësua nga Klodiana Gjyzari, avokatja e Alfred Belerit, për shkak të një problemi shëndetësor të avokatit Genci Gjokutaj.

Avokatët e Berishës dhe Jamarbër Malltezit kërkuan papërdorshmëri dhe pavlefshmëri të provave. Ata gjithashtu përsëritën kërkesën për shfuqizim të masave të sigurisë "arrest në shtëpi" për shkak se sipas tyre, nuk ekzistojnë kushtet dhe kriteret për një masë të tillë. SPAK nga ana e tij insistoi në vijimin e masave të sigurisë që janë në fuqi. Në lidhje me fashikujt hetimore, Prokuroria tha se do i vërë në dispozicion të palëve, në mënyrë elektronike. (A2 Televizion)

A2 CNN Livestream

Latest Videos