Festimet për 113-vjetorin e shpalljes së pavarësisë, kulmuan në Vlorë, mbrëmjen e së premtes në një koncert festiv, i cili nisi me një performancë magjike nga një numër i konsiderueshëm dronësh që në qiellin e Vlorës formuan shkrime për të uruar pavarësinë por edhe treguar një pjesë të historisë kombëtare
Në koncertin festiv performuan emrat më në zë të muzikës, si Elita 5, Fifi, Tayna, dhe Capital T. Koncerti i pavarësisë, më 28 Nëntor, mblodhi në qytetin bregdetar me qindra qytetarë, të cilët ndoqën performancat e artistëve më në zë të muzikës vendase, që elektrizuan publikun, duke dhuruar një atmosferë festive për ta kthyer Vlorën në epiqendrën e pavarësisë, shkruan A2 CNN.
Kryetarja e bashkisë Vlorë, Brunida Mersini uron për të gjithë shqiptarët pavarësinë. Mersini thotë se këtë 28 nëntor Vlora është kthyer në epiqendrën e festimeve. E emocionuar Mersini shprehet edhe për daljen e saj të parë në skenë përballë një publiku kaq të konsiderueshëm në numër. Sipas saj kjo natës sot, nuk ishte thjesht festë por nderim i Ismail Qemalit dhe luftës, sakrificës për liri, raporton A2 CNN.
Për 28 Nëntorin janë organizuar në Vlorë një sërë aktivitetesh të cilat kanë përfshirë çdo grupmoshë. Një spektakël me makina, ka dhuruar pamje magjike, pjesë e festimeve të pavarësisë. (A2 Televizion)
A2 CNN Livestream
MUND TE LEXONI GJITHASHTU
