Në Tiranë do të mbahet në datat 26-28 gusht Konferenca e Ambasadorëve, "Tirana Diplo 2024".
Në këtë takim do të mblidhen ambasadorët dhe konsujt e Shqipërisë në botë dhe pritet të diskutohet mbi sfidat e diplomacisë shqiptare.
Sipas ministrit të Jashtëm Igli Hasani në këto tri ditë do të diskutohet mbi sfidat e diplomacisë shqiptare në procesin e integrimit në Bashkimin Evropian, zhvillimet rajonale dhe të sigurisë, diplomacinë ekonomike, kulturore dhe turizmin.
Eventi do të organizohet në ambientet e Pallatit të Kongreseve. Përveç ambasadorëve dhe krerëve të posteve konsullore, do të jenë të ftuar personalitete të shtetit shqiptar dhe të huaj.
Konferenca e Ambasadorëve është një takim i rëndësishëm i Shërbimit të Jashtëm shqiptar, i cili do të ofrojë një mundësi për të paraqitur prioritetet që do të orientojnë punën e misioneve diplomatike dhe posteve konsullore të RSH në botë. (A2 Televizion)
A2 CNN Livestream
MUND TE LEXONI GJITHASHTU
