Drejt turizmit gjithëvjetor, Shqipërinë e vizituan mbi 900 mijë pushues të huaj deri në tetor

Shqipërinë e vizituan muajin e shkuar mbi 900 mijë pushues të huaj duke e zgjatur kështu sezoni veror edhe me një muaj. Të dhënat nga Ministria e Turizmit, Kulturës dhe Sportit tregojnë se në raport me tetorin e një viti më parë, numri i turistëve është rritur me 19.3 për qind.

“Nëse do flasim për numrat, ne numrat i kemi. Numrat janë aty me pak rrite. Por edhe pse numrat janë në rritje ne kemi thuajse të njëjtat të ardhura. Pra kjo do të thotë se ne kemi turistë që shpenzojnë pak dhe kjo nuk është fort pozitive”, thotë për A2 CNN Rrahman Kasa, kreu i Unionit Turistik Veror.

Marrë që nga fillimi i vitit rezulton që në vend të kenë hyrë mbi 11.1 milionë të huaj nga 10.4 milionë në janar-tetor 2024. Me vjeshtën më muajin e dytë, pritshmëritë janë pozitive në drejtim të rezervime,

“Në dallim nga sezoni veror, tani kemi turistë që vijnë të organizuar në grupe për të kryer ture. Shifrat janë optimiste dhe kemi goxha rezervime edhe për nëntorin dhe dhjetorin”, thotë Kasa.

Këto pritshmëri pozitive i konfirmojnë edhe Mark nga Kalifornia e Shteteve të Bashkuara të Amerikës dhe Oliver që jeton në Australi.

“Kam ardhur në Evropë në fat që të vizitoj motrën time cila jeton në Greqi. Patëm një ndalesë këtu në Shqipëri, hera e parë për mua këtu. Në ditën e dytë të qëndrimit këtu mund të them se po kaloj këndshëm dhe çmimet janë të përballueshme”, thotë Mark nga Kalifornia e Shteteve të Bashkuara të Amerikës.

“Kam ardhur dje dhe në mbrëmje ishim në një restorant të këndshë. Qyteti pak kaotik, por duket i këndshëm. Do rri 5 ditë por jo vetëm në Tiranë. Do eksplorojmë edhe qytetet e tjera”, thotë Oliver, i cili jeton në Australi.

Të dhënat nga INSTAT tregojnë se pjesa më e madhe e turistëve të huaj të ardhur deri në tetor, mbi 9.7 milionë janë nga shtetet evropiane, ndjekur nga  ata nga Amerika, Azia dhe Afrika.

“Nëse i referohemi shifrave totale kryesojnë pushuesit nga Kosova dhe tuirstët italianë. Por kemi gjithashtu edhe spanjollë, çekë, vendet nordike etj.”, thotë Kasa.

Pjesa më e madh e të huajve që hynë në vend në harkun e muajve janar-tetor kanë ardhur për pushime, ndërsa një pjesë tjetër e konsiderueshme kanë hyrë në Shqipëri kalimthi. Sipas INSTAT rreth një mijë të huaj kanë hyrë në vend për qëllime shllime shëndetësore dhe fetare. (A2 Televizion)

Galeria fotografike (

)