Përfaqësues të biznesit, institucioneve financiare dhe rregullatorëve të rajonit, u mblodhën në Forumin Ekonomik të Brezovicës 2025, të organizuar nga Oda Ekonomike e Kosovës dhe dhomat e tregtisë të Ballkanit Perëndimor.
Në të ishte e pranishme edhe drejtoresha e përgjithshme ekzekutive e Autoritetit të Mbikëqyrjes Financiare, Mimoza Kaçi, ndërsa Komisioni Europian përshëndeti nismën duke theksuar mbështetjen për investime dhe integrim europian.
Në panelin për qasje në financa, të moderuar nga Guvernatori i BQK-së, Ahmet Ismaili, Kaçi prezantoi zhvillimet e tregjeve jobankare në Shqipëri, nismat e AMF-së për rritjen e aksesit në financim, si edhe zgjerimin e instrumenteve financiare.
Ajo vuri në dukje gjithashtu rëndësinë e edukimit financiar, veçanërisht për Ndërmarrjet e Vogla dhe të Mesme, si dhe atë të digjitalizimit, si prioritete dhe mekanizma kyçe për rritjen e aksesit në financa.
Ajo theksoi se bashkëpunimi rajonal mbetet thelbësor për zhvillimin e tregjeve të Ballkanit Perëndimor, ndërsa pjesëmarrja në forum dëshmon angazhimin e AMF-së për modernizimin dhe forcimin e tregjeve jobankare. (A2 Televizion)
A2 CNN Livestream
MUND TE LEXONI GJITHASHTU
