Nga mësuesit e policët te mjekët apo infermierët te ushtarakët... bashkë me ata që punojnë në Ministrinë e Arsimit e Drejtësisë do të mund të marrin kredi pa interesa për të blerë shtëpi.
Janë 300 punonjës të administratës publike, përfshirë rrogëtarët në institucionet e varësisë së këtyre ministrive që mund të aplikojnë për të përfituar nga programi i qeverisë
“Ajo çka vërehet në vendimin e qeverisë është edhe tabela pikëzuese që ka një prioritet edhe tabela pikëzuese e cila ka një rëndësi shumë të madhe për këtë proces pasi janë këto tabela që zbërthejnë në një farë mënyre aplikuesit dhe përfituesit”, tha Dardana Grabovaj, nga sektori i Shqyrtimit të Projekteve të Strehimit.
Aplikimet nisin në 27 gusht dhe deri në 25 shtator për të aplikua ku më pas procedura vjen me verifikimin e kritereve. Por cilat janë kushtet që duhet të plotësohen?
“Pikëzimi do të bëhet sipas kushteve të strehimit, kushteve ekonomike, familjare, sociale apo të punësimit që plotësojnë aplikantët. Kushti i strehimit është i njëjtë për të gjitha ministritë e sipërpërmendura. Punonjësit që aplikojnë për kredi të butë nuk duhet të disponojnë banesë në pronësi ose duhet të banojnë në një banesë të mbipopulluar”, tha Grabovaj.
Proceduara e aplikimit do të bëhet në portalin qeveritar “E-Albania”.
“Janë dy vërtetime. Vërtetimi që nuk ke pronë në republikën e Shqipëri dhe nuk ke pronë në proces legalizimi. Gjithashtu duhet plotësuar edhe kriteri i pagave”, shtoi Grabovaj.
Marrja e një kredie të butë nga administrata bëhet veçanërisht e leverdishme në ditët e sotme, pavarësisht zbutjes së lehtë të normave të interesit. (A2 Televizion)
A2 CNN Livestream
MUND TE LEXONI GJITHASHTU
