Të gjithë pesimistë, treguesi i besimit të bizneseve e konsumatorëve në ekonomi ra në qershor

As rritja e pagave e as bumi i turistëve nuk po i bën shqiptarët më optimistë. Përkundrazi... ata mendojnë se ekonomia nuk po shkon mirë. Ndryshe nga sa ka ndodhur vitet e mëhershme, qershori solli pesimizëm te qytetarët dhe sipërmarrësit. Në pyetësorin e përmuajshëm që Banka e Shqipërisë bën, treguesi i ndjesisë ekonomike që mat aftësinë e bizneseve për të kryer investime dhe konsumatorëve për të shpenzuar, ra me 2.6 pikë.

“Rritja e pagave nuk është për të gjithë. Bëhet fjalë vetëm për administratën publike qendrore. Edhe aty ka diferencime. Ca marrin shumë rritje të tjerë pak të holla. Prandaj ka pesimizëm. Çmimet e rritura kanë gërryer atë pak rritje të pagave”, thotë për A2 CNN Zana Guxholli, eksperte e ekonomisë.  

Pavarësisht shifrave në rritje dhe pritshmërive për 14 milionë turistë, besimi i bizneseve në fushën e shërbimeve ku përfshihen dyqanet, supermarketet, baret e restorantet ra me 3.8 pikë në qershor. (grafik 2) Kriza e punonjësve, detyrimi për të rritur pagat dhe pritshmëritë për vijim të rritje të çmimeve kanë bërë që edhe bizneset n edhe bizneset në sektorin e tregtisë  të tregoheshin më pesimiste muajin e shkuar. Treguesi i besimit në ekonomi nga sipërmarrjet në këtë sektor ra me 4.8 pikë. 

“Jo të gjitha bizneset janë të lidhura me turizmit. Ka shumë prej tyre që kanë dalë të dëmtuara nga rënia e blerjeve, kursi i këmbimit apo politikat e taksave. Veçanërisht biznesi i vogël duhet të mbështetet nga qeveria”, thotë Guxholli.

Të frikësuar nga një rrije e mëtejshme e çmimeve, me të ardhurat në vendnumëro edhe qytetarët janë shprehur më pesimistë në shkurt. Besimi i qytetarëve në ekonomi në qershor ra me 0.4 pikë, suke regjistruar kështu nivelin më të ulët në një vit.

“Ne nuk na kap as rritja e pagave, as e pensioneve as nuk kemi ndonjë përfitim nga turizmi. Për ne gjërat ndryshojnë vetëm për keq. Nuk besoj fare se çmimet d bien. Ato vetëm rriten”, thonë qytetarët.

Për të dytin muaj me radhë besimi në ekonomi ra edhe te sektori i industrisë muajin e shkuar. Shenja pesimizmi shfaqën ndërkohë edhe sipërmarrjet në sektorin e ndërtimit. (A2 Televizion)