Shqipërisë i dorëzohet zyrtarisht titulli "Vendi i Nderit" i ITB- Berlin 2025, panairit më të madh në botë të turizmit.
Në kryeqytetin gjerman, ku po zhvillohet dita e dytë panairit, Ministrja e Turizmit dhe Mjedisit, Mirela Kumbaro dhe CEO i "Messe Berlin", Mario Tobias nënshkruan zyrtarisht marrëveshjen që e bën Shqipërinë “Host Country 2025”.
“Për një vit duke filluar nga kjo javë do të jetë bashkudhëtareve e ITB Berlin. Kjo do të thotë promovimi i Shqipërisë do të jetë në shkallën më të lartë në kanalet më të ndjekura të komunikimit.”
Shqipëria gjithashtu do të ketë mundësi të organizojë konferenca me pjesëmarrje ndërkombëtare nga bota e turizmit nëpërmjet marrëveshjes së arritur për organizmin e takimit të 70 të Komisionit për Europën në Shqipëri.
“40 vende të kontinetit europian do të mbledhin në Shqipëri ministrat e turizmit, drejtorët e organizatave më të rëndësishme të turizmit. Jo vetëm kaq por do të ndiqet në 7, 8, 9 prill për investimet e qëndrueshme në turizëm.”
Paralel me promovimin e Shqipërisë qeveria pritet të kalojë në Kuvend ditën e enjte edhe ndryshimet në Ligjin për Turizmin. Para fillimit të sezonit veror 2024 do të miratohet edhe strategjia kombëtare për këtë sektor. (A2 Televizion)
A2 CNN Livestream
MUND TE LEXONI GJITHASHTU
