Trajneri Roland Çelmeta ka kritikuar ashpër drejtimin e Partizanit pas humbjes 1-0 në derbin ndaj Tiranës. I ftuar në emisionin “Mega Sport”, me moderator Altin Sulcen, Çelmeta u ndal te paraqitja e të kuqve, zgjedhjet e trajnerit dhe mënyra se si u menaxhua ndeshja.
Sipas tij, Tirana ishte më e qartë në lojë dhe e meritoi fitoren, ndërsa Partizani nuk arriti të shfrytëzonte momentet e tij më të mira gjatë takimit.
Çelmeta u shpreh se Partizani nuk mund të shërbejë si skuadër eksperimentesh për trajnerin, duke kritikuar edhe mënyrën e kryerjes së zëvendësimeve. Ai theksoi se klubi ka lojtarë dhe burime të mjaftueshme për të ndërtuar një ekip konkurrues.
“Partizani nuk është skuadër ku mund të eksperimentosh në ndeshjen e parë, të dytë apo të tretë. Me të drejtë thuhet se ka pësuar 13 gola. Trajneri nuk po vendos diferencën.
Tirana ishte më e qartë dhe më e mirë. Fitorja nuk diskutohet, sepse Tirana e fitoi ndeshjen edhe me mbështetjen e tifozërisë së saj.
Partizani pati një moment kur barazoi lojën, mori disa minuta dhe krijoi rrezik. Pati edhe një rast ideal për të shënuar golin e dytë, por më pas ekipi u tërhoq.
Nëse nuk di të bësh zëvendësimet dhe të menaxhosh ndeshjen, atëherë duhet të largohesh. Partizani ka elementë dhe një akademi të fortë. Profesor Kërnaja mori lojtarë të rinj dhe e çoi Partizanin deri në vendin e katërt.”, tha ai. (A2 Televizion)
A2 CNN Livestream
MUND TE LEXONI GJITHASHTU
