Një aksident me vdekje ka ndodhur në të gdhirë të ditës së sotme në aksin Sarandë-Tuneli i Skërfices. Një 63-vjeçar ka humbur kontrollin mbi drejtimin e automjetit të tij në afërsi të rrethrrotullimit të fshatit Bajkaj dhe aksidentuar një këmbësor. Më pas ai është përplasur me një tjetër automjet tip “Benz”. Si pasojë e aksidentit ka ndërruar jetë gjatë transportit për në spitalin e Sarandës këmbësori 72-vjeçar. Policia ka shoqëruar drejtuesin e automjetit.
Sarandë/Informacion paraprak
Sot, rreth orës 03:45, në aksin rrugor Sarandë-Tuneli i Skërfices, në afërsi të rrethrrotullimit të fshatit Bajkaj, shtetasi E. O., 63 vjeç, dyshohet se ka humbur kontrollin mbi drejtimin e automjetit tip “Benz” dhe ka aksidentuar këmbësorin, shtetasin L. Xh., 72 vjeç, e më pas, është përplasur me një tjetër automjet tip “Benz”, me drejtues shtetasin V. G.
Si pasojë e aksidentit, shtetasi L. Xh. ka ndërruar jetë gjatë transportit për në spitalin e Sarandës.
Drejtuesi i automjetit, shtetasi E. O., u shoqërua në komisariat për veprime të mëtejshme.
Grupi hetimor vijon veprimet për zbardhjen e plotë të rrethanave të aksidentit. (A2 Televizion)
A2 CNN Livestream
MUND TE LEXONI GJITHASHTU
