Rrugët e Shqipërisë janë përgjakur sërish në këtë fillim viti, teksa një aksident me vdekje është shënuar mëngjesin e sotëm në Lezhë.
Një furgon pasagjerësh ka përplasur për vdekje drejtuesin e një motori, pranë mbikalimit në Ishull-Lezhë.
“Automjeti tip “Benz”, me drejtues shtetasin me iniciale M. M., u përplas me një motomjet. Përplasja rezultoi fatale për drejtuesin e motorit, 56-vjeçarin P.N.”, bën me dije policia.
Mësohet se Pavlin Ndoj për shkak të plagëve të rënda që ka marrë ka ndërruar jetë në spital.
Ndërkohë, drejtuesi i automjetit u shoqërua në komisariat dhe autoritetet kanë nisur hetimin për zbardhjen shkaqeve të aksidentit tragjik. (A2 Televizion)
A2 CNN Livestream
MUND TE LEXONI GJITHASHTU
