Policia e Shtetit njoftoi se është ekstraduar nga Italia në Shqipëri një 50-vjeçar, i cili ishte shpallur në kërkim ndërkombëtar.
I ekstraduari është shtetasi S.C. alias A.D. alias S. C., i cili ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Gjirokastër, i ka caktuar masën e sigurisë “Arrest në burg”, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave dhe formularëve” dhe “Fshehja e të ardhurave”.
Shtetasi italian S.C., gjatë periudhës dhjetor 2019 - mars 2020, në bashkëpunim me 2 shtetas shqiptarë, kanë krijuar një skemë mashtruese të shoqërive fiktive, për qarkullimin e shumave monetare në lidhje me rimbursimin e TVSH-së.
Gjithashtu, po nga Italia është ekstraduar Enea Korreshi, 31 vjeç. Ky shtetas ishte shpallur në kërkim ndërkombëtar nga Interpol Tirana, pasi Gjykata e Apelit Vlorë, e ka dënuar me 2 vjet burgim, për veprën penale “Vjedhja”, pasi në bashkëpunim me një shtetas tjetër, ka vjedhur pjesë këmbimi të automjeteve në një subjekt në Lushnjë. (A2 Televizion)
A2 CNN Livestream
MUND TE LEXONI GJITHASHTU
