Policia e Vlorës iu ka rikthyer qytetarëve dhe turistëve një tjetër hapësirë publike në zonën e plazhit që ishte uzurpuar në mënyrë të paligjshme nga një subjekt.
Në kuadër të operacionit "Plazh i lirë", në vijën bregdetare të Lungomares, efektivët e policisë hoqën dhe sekuestruan 120 çadra dhe shezlongë.
Gjithashtu u procedua penalisht administratori i subjektit të paregjistruar në organet tatimore I. B., 55 vjeç, i cili zuri hapësirën publike në plazh, duke vendosur pa lejen përkatëse, çadra dhe shezlongë.
Materialet u referuan në Prokurori, për veprime të mëtejshme. (A2 Televizion)
A2 CNN Livestream
MUND TE LEXONI GJITHASHTU
