Dhuna në familje vijon të jetë një fenomen tepër i rëndë në Shqipërisë dhe këtë gjë e tregon dhe komunikata e fundit e policisë së Tiranës, e cila rendit bilancin e bluve të kryeqytetit në 24 orët e fundit.
Kështu, dhuna ndaj bashkëjetuesve, familjarëve apo ish-bashkëshortëve janë në krye të akteve të rënda që kohët e fundit duket se janë shtuar në vendin tonë.
Kështu, specialistët e Komisariatit Nr. 2 arrestuan shtetasin A. M., 54 vjeç, banues në Tiranë, pasi dyshohet se në mënyrë të vazhdueshme ka përndjekur ish-bashkëshorten e tij dhe ka goditur me grusht të dashurin e saj.
Ndërkohë janë arrestuar E. Ç., 35 vjeç dhe I. V., 27 vjeç të cilët kanë ushtruar dhunë respektivisht ndaj vëllait dhe xhaxhait
Një tjetër person i arrestuar nga blutë e Tiranë është A. H., 57 vjeç pasi dyshohet se ka ngacmuar seksualisht një shtetase;
Rasti më i rëndë është ai i 31 vjeçarit J. K. i cili ka ushtruar dhunë ndaj bashkëjetueses së tij, si dhe ka dyshohet se ka kryer marrëdhënie seksuale me të, pa dëshirën e saj.
Po ashtu, specialistët e Komisariatit të Policisë Nr. 4 arrestuan shtetasin E. M., 57 vjeç, banues në Tiranë, pasi dyshohet se ka ushtruar dhunë ndaj motrës së tij dhe vajzës së saj. (A2 Televizion)
A2 CNN Livestream
MUND TE LEXONI GJITHASHTU
