Gjendet i pajetë në një banesë në Fier, një shtetas gjerman

Një shtetas gjerman është gjetur i pajetë në banesën e marrë me qira në lagjen “Kongresi i Përmetit” në Fier.

Sipas burimeve paraprake policore, i moshuari rreth 80 vjeç prej tri ditësh nuk kishte kontakte me familjarët, të cilët të alarmuar kanë njoftuar policinë.

Shtetasi gjerman Detlef Fertig, ndodhej në Fier prej 15 ditësh për turizëm dentar, por ka humbur jetën. Nga këqyrja paraprake e trupit, i moshuari nuk ka shenja dhune, çka mendohet që vdekja mund të ketë qenë për shkaqe natyrale.

Fier / Informacion paraprak

Rreth orës 13:00, në lagjen “Konferenca e Pezës”, Fier, është gjetur pa shenja jete, në një banesë të marrë me qira, shtetasi gjerman D. F., rreth 80 vjeç.

Nga këqyrja paraprake e trupit nuk janë konstatuar shenja dhune dhe dyshohet se vdekja ka ndodhur për shkaqe natyrale.

Grupi hetimor ndodhet në vendngjarje dhe po punon për sqarimin e plotë të rrethanave të rastit. (A2 Televizion)