Gjendet i vdekur 38-vjeçari në Lezhë, detajet e para

Një 38-vjeçar është gjetur i pajetë mëngjesin e ditës së sotme në Shëngjin.

Sipas burimeve nga Policia, bëhet me dije se 38-vjeçari dyshohet se ka ndërruar jetë për shkaqe natyrale (infarkt).

Po ashtu bëhet me dije se do të kryhet ekspertiza mjekoligjore e trupit të tij, ndërkohë që grupi hetimor po punon për zbardhjen e plotë të rrethanave të ngjarjes.

Njoftimi i Policisë:

Më datë 26.11.2024, rreth orës 06:00, në hyrjen e një pallati, është gjetur pa shenja jete dhe pa shenja dhune, shtetasi E.L, 38 vjeç, banues në Ishull Lezhë.

Nga veprimet e para hetimore dyshohet se ky shtetas e ka humbur jetën nga shkaqe natyrale (infarkt).

Me trupin do të kryhet ekspertiza mjekoligjore.

Grupi hetimor po punon për sqarimin e rrethanave të rastit.

  (A2 Televizion)